Ginpangapinan ni Iranian President Masoud Pezeshkian si Pope Leo XIV sa mga insulto kag kontrobersyal nga pahayag ni US President Donald Trump.
Ginkondenar ni Pezeshkian ang pag-post ni Trump nga pagtampalas sa relihiyon kag insulto sa dignidad sa lider sang simbahan katoliko.
Pinakauna nga American Pope si Pope Leo XIV sa kasaysayan sang Simbahan Katolika kag kilala sa iya mabaskog nga panawagan para sa kalinungan kag dayalogo sa tunga sang global tension kalakip na ang sa Iran.
Ang iya pahayag batuk sa kalakasan kag giyera ang nagtulod sang masingkal nga reaksyon gikan sa Presidente sang Amerika nga nagtuga sang insulto kag kontrobersyal nga imahe.
Nag-post pa si Trump sang AI generated image kon sa diin ginalaragway ang iya kaugalingon bilang si Hesus.
Sa pihak sang kontrobersiya, nagapabilin nga nakatutok si Pope Leo XIV sa iya misyon para sa kalinungan kag paghiliusa samtang ang suporta ni Pezeshkian ang naghatag sang indi kinaandan nga solidarity sa tunga sang Iran kag Vatican.
