Nagtabok sa Strait of Hormuz ang apat ka barko nga naangot sa Iran, lakip ang duha nga nagbisita sa mga pantalan sang Iran, suno sa internasyonal nga mga report, matapos mag-umpisa ang gin-alegar US blockade.
Ginkondenar sang China ang tikang kag gintawag ini nga “delikado kag irresponsable,” samtang ginpahayag ni US Vice President JD Vance nga ang Iran nagaubra sang “economic terrorism” kag ginpaandaman nga “two can play at that game.”
Ginpahayag sang US nga indi nila pugson ang mga barko nga nagagiya sa Strait basta indi Iran-related, apang ginakwestyon sang Iran ang blockade bilang paglapas sa soberanya.
Suno sa mga analyst, posible nga sa Indian Ocean lang mag-intercept ang US sang mga barko imbes sa Iranian ports.
Apang sa pihak nga bahin, ginreport nga indi na i-renew sang Italy ang iya defence agreement sa Israel, samtang ginaplano ang una nga direct talks sa tunga sang Lebanon kag Israel sa US sa sulod sang pila ka dekada.
