KORONADAL CITY – Tuman ka sakit para sa isa ka nobya kag pamilya sang isa ka criminology student ang natabo sa iya matapos nga ginbawian sang kabuhi bangud nga nakuryente samtang nagaobra sa likod nga bahin sang isa ka restaurant sa Barangay Zone 2, Koronadal City.
Ginkilala ini kay John Jaymark Layo, 19-anyos nga residente sang Purok Aquino, Barangay Concepcion, Koronadal City.
Sa interview sang Bombo Radyo kay Johname, nobya sang biktima, ginakay-o ni John Mark kag sang utod sini ang hardiflex sa ibabaw sang kisame, hinali na lamang nga natiphag ang ginapatungan nila nga steel kag nagdiritso tupa sa saksakan..
Nahulog suno pa ang biktima kag utod sini apang nagdiritso si John Mark sa steel nga yara sa saksakan nga gintunaan sang kamatayon sini.
Gindala pa sa hospital ang biktima apang gindeklarar ini nga dead on arrival na.
Dugang pa ni Johnamae, masakit para sa iya ang natabo bangud sa iya pagdahom makaupod niya pa ini sa pag-graduate nila.
Isa ka responsable suno pa nga bata ang iya nobyo kag masakit para sa ila nga nadula ini sang temprano.
Nahibaluan nga napatay ang nobyo sini kadungan pa sang adlaw nga igaselebrar kuntani nila ang ila nga monthsary.
Sa karon, nagapangayo sang bulig ang pamilya agud nga igasto sa haya kag pagpalubong sa biktima bangud pigado ang mga ini.
