KORONADAL CITY – Liwat naman nga nagpang biktima sa South Cotabato ang mga scammer nga nagpakuno-kuno nga si Governor Reynaldo Tamayo, Jr.
Sa interbyu sang Bombo Radyo Koronadal kay Rudy Jimenea, provincial information officer, ginpahayag sini nga naghatag sang pagkalaarma sa talatapan sang gobernador ang ginhimo sang isa ka scammer nga nagtawag sa madamo nga supplier kag nagapangayo sa mga deposito sa idalom sang pangalan kay Jayson Salazar kag ideposito sa account ni Francisco Doinog gamit ang numero ng China Bank nga 131202027854.
Ginpaklaro ni Jimenea nga ini ang nagapangtonto lamang ini kag nagapakilala pa nga siya ang nagatrabaho sa talatapan ni Governor Tamayo kag nagapangayo pa sang “SOP” para sa mga proyekto sang gobyerno.
Naguwa sa imbestigasyon nga ang mga solicitation ang isa ka scam kung sa diin ang mga pondo ang gina dirikta sa isa ka indi otorisado nga account sa idalom sang pangalan ni Franciso Doinog.
Ginkondena naman ni Jimena ang ginhimo sang scammer kag ginpaklaro nga ang talatapan sang gobernador ang wala sang ginapakigbahin nga anuman nga mga transaksyon may kaangtanans a pinansyal pinaagi sa mga personal nga contact o indi otorisado nga mga account.
Bangud sini, nagapanawagan ang nasambit nga opisyal nga maghalong kag mangin vigilante batok sa mga scammer.
