KORONADAL CITY – Ginasuportahan sang pipila ka mga organisasyon ang pagpatigayon sang Dugong Bombo 2024 sang Bombo Radyo Philippines diri sa syudad sang Koronadal, probinsya sang South Cotabato.
Madamo nga mga organisasyon ang nagpakita sang ila commitment kag pagpasugot sa nasambit nga aktibidad, lakip na diri ang mga men and women in uniform, mga seminarians, mga ahensya, kag mga eskwelahan.
Ginpahayag naman sang isa ka Formator Priest sa St. Gabriel Passionist Missionary nga si Rev. Father Vicente Gabut nga ang dugo ang naghatag sang suporta sa kabuhi sa isa ka tawo.
Nabatyagan man ni Fr. Gabut ang kabudlayan kon paano kabudlay mangita sang dugo bangod kay pila sa iya mga pamilya nagakinahanglan sang dugo.
Ginaawhag naman ni Father Gabut sa tanan nga mga Passionist Seminarians nga mag-donate sang dugo bangos dako ang mabulig sini sa ila formation kag isa ka simple nga pamaagi man agud makabulig sa isig katawo.
Positibo man ang iya panan-aw sa aktibidad sang Bombo Radyo Philippines kag ipasulod man niya ang tanan nga mga seminarians nga yara sa idalom sang iya formation nga mag-donate sang dugo sa Nobyembre 16, 2024.
