Nagdangat sa masobra P3 Millon ang balor sang ginapatihan nga shabu ang nakumpiskar sang mga otoridad sa operasyon batok sa illegal nga droga.
Ginpangunahan sang Philippine Drug Enforcement Agency (PDEA)-12 ang operasyon nga nagresulta sa pagkadakop sang duha (2) ka mga indibidwal ginapatihan nga naga duso sang mga kontrabando kag gina-alegar nga naga hatag sang pinansyal nga bulig kag mga miyembro sang Dawlah Islamiya.
Naarestar ang mga suspek sa magkatuhay nga mga operasyon sa bahin sang General Santos City kag Isulan, Sultan Kudarat.
Una nga naaresta ang isa ka 28-anyos nga lalaki halin sa bahin sang Marawi City, Lanao del Sur.
Nadakpan ini makaligad nga nagbaligya sang P3.4 milyon nga balor sang gina alegar nga shabu sa mga undercover agents sa Purok Maunlad Phase 2, Barangay Apopong, General Santos City.
Samtang isa naman ka 42-anyos nga lalaki ang naaresto sa Purok Don Vicente, Barangay Kenram, Isulan, Sultan Kudarat makaligad nga nag baligya sang balor P34,000 nga ginapatihan nga shabu sa operating units sang mga otoridad sa din gin kumpirmar sang Police Regional Office-Bangsamoro Autonomous Region kag sang 103rd Infantry Brigade sang Philippine Army nga may kaangtanan ini sa grupo sang Dawlah Islamiya.
Ginpasangkad naman sang mga otoridad ang monitoring kag intelligence gathering sa bug-os nga Rehiyon Dose agud nga mapunggan ang paglapta sang illegal nga droga.
Magapangatubang naman sa kaso nga paglapas sa Comprehensive Dangerous Drugs Act of 2002 ang mga nasambit nga suspek nga nadakpan sa operasyon.
