Ginapaabot nga magsaka ang electricity bill sang mga consumer sa Luzon, Visayas kag Mindanao bangud sa pagsaka sang transmission charge sini nga Agosto.
Suno sa National Grid Corporation of the Philippines ukon NGCP, nagsaka sang 22.22% ang transmission rate para sa July 2026 billing period, halin P1.4367 pakadto sa P1.7560 kada kilowatt-hour.
Nagpanguna nga rason sini ang 30.85% nga pagsaka sang ancillary services charges, halin P0.7941 pakadto sa P1.0391 kada kilowatt-hour.
Ginklaro sang NGCP nga wala ini nagakakuha sang kita halin sa ancillary services bangud direkta nga ginapasa ang mga bayad sa mga service provider kag iban pa nga nagakaigo nga entity.
Ang transmission charge amo ang bayad sa pagpaagi sang kuryente halin sa mga power supplier pakadto sa distribution system, nga ginabayaran sa NGCP.
