KORONADAL CITY- Gin-alay sang marathoner nga silver medalist sa nagapadayon nga 2023 South East Asian Games sa Phnom Penh, Cambodia ang iya naman nga kadalag-an.
Sa interbyu sang Bombo Radyo Koronadal kay Arlan Arbois Jr., halos indi siya makapati nga siya madaog kag makakuha ang silver medal sa marathon.
Suno kay Arlan, sa pagkamatuod, indi siya suno pa kasali sa Philippine Team apang bangud sa nakita potential sini ang kinhua siya nga mangin kapartner sang isa ka babaye nga Marathnoer amo nga ini ang una niya nga bes nga nakasali siya sa Sea Games.
Suno pa sa iya, isa mga nangin dalan agud malakip siya sa halos 800 Athletes sa Sea Games amo ang iya nga coach sini nga ginakabig nga King of road, ang long distance runner kag five times Sea Games gold medalist nga si Eduardo Buenavista alyas Vertek nga taga South Cotabato.
Dugang pa ni Arlan, 3 ka bulan pa lamang ang nangin training sini antes ang Sea Games sa Cambodia amo nga aminado ini nga naka eksperyensya sang cramps samtang nakipagsabayan sa mga beterano nga Marathon Athletes.
Apang tungod sa iya nga determinasyon, nakuha niya ang Silver Medal.
Ginpakigbahin man ni Arlan sa Bombo Radyo Koronadal ang kabudlay sang ila nga kabuhi nga isa ini sa nangin inspirasyon kung ngaa nagpursige gid siyaa nga mag ensyao kag magsali sa nagakalain-lain nga kompetisyon.
Sa pagtakop suno pa sang Sea Games ang magapuli ini sa South Cotabato agud maupod niya sa iya nga pamilya kag pagkatopos, magabalik ini gilayaon sa paghanas.
