-- ADVERTISEMENT --
Ginpirmahan ni Presidente Ferdinand Marcos Jr. ang Executive Order (EO) No. 105, nga naga-extend sang 15% nga taripa sa gin-import nga humay tubtob Disyembre 31, 2025.
Humalin Enero 1, 2026, magapatuman sang mekanismo angot sa pag-adjust sang taripa base sa paglihok sang presyo sang humay sa kalibutan nga merkado.
Ang taripa mahimo magbago halin 15% tubtob 35%, depende sa pagnubo ukon pagsaka sang presyo.
Ang Inter-Agency Group on Rice Tariff Adjustment (IAG-RTA), nga ginabug-os sang mga ahensya kasubong sang DA, DTI, DOF, kag iban pa, ang magamonitor kag magatukod sang mga polisiya angot sa implementasyon sang Exeutive Order.
Magapadayon ang MFN tariff rates sa humay sa 15% tubtob 2025 kag susihon kada apat ka bulan.
