Mag-utod, ginbuno sang makapila ka beses samtang nagakatulog sang kaugalingon nga amay; 1 patay, 1 pilason – PNP

KORONADAL CITY – Ginbawian sang kabuhi ang isa ka 11-anyos nga bata nga lalaki samtang pilason naman ang 14-anyos nga utod sini nga babaye sang ginbuno sang makapila ka beses sang ila kaugalingo nga amay samtang nagakatulog sa ila panimalay Magsaysay sa Parang, Maguindanao del norte.

Ini ang kinumpirma ni, PLt. Christopher Cabugwang, hepe sang Parang PNP sa interview sang Bombo Radyo Koronadal.

Ginkilala ni Cabugwang ang napatay nga biktima nga si Asrap samtang ang pilason nga utod sini amo si Bai Ayob.

Naguwa sa imbestigasyon sang kapulisan nga lango sa illegal nga droga ang suspek nga si Adjis Sanday Ayob rason nga nadula ini sa husto niya nga panghuna-huna, nagkuha sang kutsilyo kag ginbuno ang duha ka mga bata.

Suno sa mga nakakilala sa suspek lango man sa makahulubog nga ilimnon si Ayob sang ginhimo ang krimen.

Dugang pa sang opisyal, isa ka OFW suno pa an asawa sang suspek kag bangud sa iya nga kahidlawa sa asawa rason nga nahimo sini ang pagpatay sa kaugalingon nga bata.