KORONADAL CITY – Magapangatubang subong sa kaso nga gun running ang mag-tiayon nga naaristar sa pag baligya sang mga high powered firearms sa Parang,Maguindanao.
Ginkilala ni Police Major Christopher Cabugwang , chief of Police sang Parang MPS ang mga suspek nanday Akay Awa, 50 anyos, miyembro sang Citizens Armed Forces Geographidal Uni (CAFGU) kag tiayon sini nga si Arbaya Ali Awa, 44 years old, lunsay residente sang Barangay Manion sa nasambit nga banwa.
Suno kay Cabugwang, nainquest sa gihapon ang kaso sang mag tiayon sa prosecutions office sa syudad kag naga pangatubang sa kaso nga pag bayolar sa RA 10591 suno naman sa opisyal.
Sa subong, padayon naman nga gin patigayon ang imbestigasyon sang mga otoridad kung sa diin kag kon sin-o ang mga supplier sang mga matag-as nga mga kalibre sang armas sang mag tiayon.
Nakuha sa mag asawa ang duha ka M16 Rifle, isa ka caliber .45 pistol, duha ka M14 Rifles kag mga bala nga lunsay wala sang rekisitos kag subong kasamtangan yara sa crime laboratory.
