Ginpaguwa sang International Criminal Court (ICC) ang agenda para sa status conference sang kaso ni anay Presidente Rodrigo Duterte sa Mayo 27.
Suno sa international tribunal, nakapokus ini sa mga preparasyon pakadto sa paghearing sang kaso nga crimes against humanity batok sa anay presidente.
Lakip sa mga isyu nga pagatalakayon amo ang ginaduso nga petsa sang pagsugod sang trial, ang kadamuon sang mga testigo kag ebidensya, expert witnesses, witness protection measures, disclosure obligations kag posible nga dugang nga mga insidente nga mahimo idagdag sang prosecutors sa kaso.
Nagtalana man sang schedule ang Trial Chamber para sa pagtalakay sang mga nahisgutan nga facts, interpretation kag translation nga kinahanglan, partisipasyon sang mga biktima kag mga mosyon nga kinahanglan resolbahon antes sugdan ang trial.
Ipasapubliko ang una nga status conference para sa trial sang anay Pangulo, apang suno sa mga hukom, posible nga himuon nga pribado ang pila ka bahin sini kon may sensitibo nga mga isyu nga may kaangtanan sa seguridad sang mga testigo.
