Isa ka self-accident ang nagluntad sa dalanon sa bahin sang Purok Promito, Carpenter Hill, Koronadal City subong nga adlaw Mayo 11, 2025.
Ini ang ginkumpirma ni PCMSGT Gandi Basan, Head City Traffic PNP sa interbyu sang Bombo Radyo Koronadal.
Ginkilala ang bitkima nga si Jidlaph Poticar, 43-anyos, residente sang General Santos City, nga padulong na sa Siyudad sang Koronadal apang nabunggo ini sa pole sang center island.
Suno sa mga otoridad, nagalabay si Poticar sa kalsada gamit ang iya motorsiklo sang nagluntad ang aksidente.
Bangod sang mabaskog nga impact sang pagkabunggo, nabuka ang ulo sang biktima kag gilayon nga gin-deklara nga dead on arrival sa balay bululngan.
Padayon ang ginahimo nga pag-imbestiga agud masiguro nga malikawan ang pareho nga disgrasya sa palaabuton kag maghatag sang dugang nga safety measures sa mga motorista.
