Naga padayon sa subong ang imbestigasyon sang mga katapo sang Scene of Crime Operatives (SOCO) angot sa nasapwan nga bangkay sang isa ka lalaki sa irrigation canal sa tunga sang palayan nga malapit sa boundary sang Purok Maligaya, Brgy. Namnama Koronadal City kag Brgy. Manili, Lutayan Sultan Kudarat kagab-e Pebrero 11, 2025.
Ang patay nga lawas ang nakasuksuk sang duag pink nga T-Shirt , Camouflage nga Shorts kag Blue nga Tsinelas.
Nagsebo naman ang ini nga discription sa nauna na nga nareport nga nadula nga lalaki nga Barangay Maltana , Tampakan, South Cotabato nga ginkilala kay Fred Parrocha isa ka driver yara sa legal nga panuigon kag residente sang Purok 5, Brgy. Maltana, Tampakan South Cotabato.
Suno naman kay South Cotabato Liga ng mga barangay Federation President Board Member Niel Ryan Escobillo nga nagsibo ang description sang nadula nga isa ka persona nga si Fred sa ila nga lugar.
Dugang pa sang opisyal, nadula ang nasambit nga biktima sang adlaw sang Dominggo Pebrero 9 2025 sa diini gin-alegar nga naghalin sa isa ka okasayon kag gindul-ong sang isa tricycle sa ila nga balay apang ginsugat naman ini sa ng isa pa ka motorsiklo kag nag-upod man ini.
Nangin mabudlay naman ang tumod sa persona bangud yara na sa state of decomposition ang nawong sini kag halos indi na ini makilala pa.
Naga padayon naman ang imbestigasyon sang mga otoridad sa kun anu ang nangin kabangdanan sang kamatayon sang nasambit nga biktima.
Ginpasiguro naman ni Board Member Niel Ryan Escobillo nga sa tion nga makumpirmar sa pamilya nga kay Fred Parrocha gid man ang patay nga lawas, magahatag ini sang bulig agud nga mapadasig ang pagpalubong kag makabulig naman ang pamunuan sini sa pamilya.
