Stable na kag yara na sa maayo nag sitwasyon ang lalaki nga biktima sang pagpangluthang sa bahin Barangay San Jose, Koronadal City, sang Mayo 28, 2025, pasado alas 6:45 sang gab-i.
Ginkilala ang biktima nga si Ryan Dela Cruz Fuertes, 45-anyos, kasado, kag residente sang Purok Mabinuligon, Barangay San Jose, nga madason man nga gin dangat sa South Cotabato Provinncial Hospital sa madali nga atensyon medikal.
Suno sa kapulisan, conscious ang nasambit nga biktima antes pa man ini gindangat sa balay-bulongan.
Suno sa imbestigasyon sang Koronadal City Police, nagapauli si Fuertes sakay sang iya motorsiklo sang kalit lang siya ginpusil sang duha ka lalaki nga sakay sang itom nga Bajaj nga wala plate number. Ginluthang siya tatlo ka beses kag naigo sa nagkalain-lain nga bahin sang iya lawas.
Pagkatapos sang insidente, gilayon nagpalagyo ang mga suspek padulong sa wala pa matuod nga direksyon.
Padayon ang imbestigasyon kag nagpatigayon naman sang hot pursuit operation ang mga agud madakpan ang yara sa sa likod sang insidente kag matumod ang motibo likod sang pangpagluthang.
