Ginpasiguro ni Speaker Faustino “Bojie” Dy III nga padayon nga magahimo sang ila mga katungdanan ang mga miyembro sang Kamara bisan pa may mga nagapadayon nga imbestigasyon bahin sa flood control anomaly.
Ini nga pahayag ni Dy kasunod sang pag-sumiter sang Independent Commission for Infrastructure (ICI) kag Department of Public Works and Highways (DPWH) sang bag-o nga joint case referral sa Office of the Ombudsman.
Ginpabugal ni Speaker Dy nga bisan ano pa ang matabo, padayon nga nakatutok ang Kamara sa iya katungdanan nga magserbisyo sa katawhan, kag ang tanan nga miyembro, bisan pa nga iga imbestigahan ukon indi, preparado magbulig kag magkooperar.
Ginpasiguro ni Dy nga ang seguridad sang mga Pilipino ang unahon sang Kamara kag magapadayon sa pagserbisyo nga tampad kag may integridad.
