Nagpakilig sa mga netizens sanday Kaila Estrada kag Daniel Padilla matapos ipaambit ni Estrada ang mga litrato kag video halin sa ila recent trip sa Japan.
Ginpakita ni Estrada ang ila mga bonding upod ang pila ka abyan, lakip ang ila pagtambong sa Summer Sonic music festival.
Talulupangdon sa mga litrato ang mga sweet moments nila ni Padilla.
Sa isa ka snap, magatupad sila sa restaurant, samtang sa isa pa, makita si Padilla nga nagbutang sang iya kamot sa paa ni Estrada samtang yara sila sa tren.
May laragway man nga nagasandig si Estrada sa abaga ni Padilla samtang nagaselfie sila.
Naghatag ini sang kilig sa mga netizens, nga nagpaabot sang mga positibo nga komento para sa duha.
Sa sulod sang pila ka bulan, masami na nga makita sanday Estrada kag Padilla nga magkaupod sa mga selebrasyon kag family gatherings.
Apang tubtob subong, wala pa nila ginakumpirma sa publiko ang kahimtangan sang ila ginadudahang relasyon.
Suno sa nagligad nga pahayag ni Padilla, mas gusto niya nga pribado ang iya personal nga kabuhi kag relasyon, kag ginapangabay niya ang publiko nga hatagan ini sang kahilwayan.
