Nagapadayon ang imbestigasyon sang Bureau of Fire Protection Davao kung ano ang rason sang pag ka sunog sang Prayer House sa Purok 2, Barangay 33-D, Aurora Quezon Street, Davao City sang tinalikdan nga adlaw kag nag utas sang kabuhi sang isa ka senior citizen.
Ginkilala sang mga awtoridad ang biktima sa kay Teresita “Tessie” Ababan, 65 anyos kag risidente sa nasambit nga lugar.
Gindeklarar si “Tessie” nga dead on arrival, samtang si Anita gindala sa Southern Philippines Medical Center (SPMC) matapos nga napartially burned ukon 4th degree burn ang naaguman sang amo nga senior citizen kag tubtob karon padayon pa nga ginaatipan sang mga doktor.
Dugang pa diri, nakontrolar kuno ang kalayo pasado alas 5:25 sang aga kag gindeklarar nga fire out alas 5:44 sang aga sa amo man nga adlaw.
Sa karon ginahimo na ang imbestigasyon sang bombero agud mahibaluan ang rason sang sunog.
