Iretiro sang Minnesota Timberwolves ang No. 21 jersey sang anay NBA star nga si Kevin Garnett.
Pagahiwaton ang retirement honors sa Target Center sa Pebrero 28, 2027, napulo ka tuig halin sang opisyal nga nagretiro si Garnett sa NBA.
Sa una nga 12 ka tuig sang iya karera, nag-upod si Garnett sa Timberwolves kag ginupdan niya ang team sa una sini nga playoff appearance sang 1997.
Sa masunod nga walo ka season, nakasulod gihapon ang Wolves sa postseason kag nakaabot sa Western Conference Finals sang 2004.
Gin-trade si Garnett sa Boston Celtics, kun sa diin niya nakuha ang iya nagaisahanon nga NBA championship sang 2008.
Nagbalik pa siya sa Minnesota sang 2014-15 season, apang nagretiro sa masunod nga season.
Antes sini, nagdesisyon na ang Timberwolves nga iretire ang No. 21 jersey ni Garnett sang 2007, kag halin sadto wala na gintugutan ang iban nga Minnesota players nga magsuksok sang amo nga jersey number.
Apang wala ini ginsaksihan ni Garnett bangud sa iya pag-away kay anay Timberwolves owner Glen Taylor.
Matapos mabaligya ang Timberwolves sa bag-o nga mga tag-iya, ginapaabot nga mag-upod na si Garnett sa retirement ceremony sa masunod nga tuig.
