Ginpahayag ni Supreme National Security Council Secretary Mohsen Rezaei nga maganunsyo ang Iran sang isa ka restricted ukon prohibited zone sa guwa sang Strait of Hormuz, nga nagalakip sang pila ka bahin sang Persian Gulf.
Suno kay Rezaei, magumpisa ang sona sa linya sang blockade sang US Navy kun sa diin bisan ano nga barko nga magasulod sa ruta ang posible nga ma-upod gilayon sa sanctions list sang Iran.
Ginpahayag man niya nga nagkasugot ang Iran kag Oman sa mga mapa angot sa opisyal nga ruta sang mga barko sa Strait of Hormuz, kag pirmahan ini sa masunod nga mga adlaw.
Nagpaandam man si Iranian Parliament Speaker Mohammad Bagher Ghalibaf nga kon maglunsar pa sang panibag-o nga pag-atake batok sa Iran, mas madasig, mas mabaskog kag masakit ang ila sabat.
Samtang, tatlo ka tawo ang napatay matapos maigo sang Israeli drone attack ang isa ka salakyan sa Nabatieh, Lebanon, suno sa health ministry sang pungsod.
Nagluntad ini samtang nagapadayon ang mga pag-atake kag operasyon militar sang Israel sa southern Lebanon.
