Nagapadayon ang pag-uswag sang mga industriya kag negosyo sa probinsya sang South Cotabato sa nagligad nga bulan sa diin gin-anunsyo man nga ini ang may pinakamataas nga growth rate sa Region 12.
Sa interview sang Bombo Radyo Korornadal kay Atty. Rj Sustiguer, Executive Vice President sang South Cotabato Chamber of Commerce. Ginpahayag sini nga ang pag-expand sang negosyo sa probinsya isa ka positibo nga timailhan nga ginakabig sang mga investor nga maayo ang South Cotabato bilang investment area.
Dugang pa niya, makita man ang mga positibo nga developments sa probinsya, ilabi na sa Koronadal City kun sa diin nagapadayon man ang pag-uswag kag expansion sang business sector. Apang, ginpahayag man niya nga apisar pa may development, may ara gihapon sang mga pinasahi nga challenges sa business sector, partikularmente ang pagtaas sang minimum wage.
Ginklaro niya nga ang polisiya nga ini amo ang naga-cover lamang sang mga minimum wage earners sa pribado nga sektor.
