Nagapati si VP Sara Duterte nga indi lamang sa Department of Public Works and Highways (DPWH) ang may serye sang korapsyo kundi pati man sa nagkalain-lain pa nga mga departamento sa Pilipinas lakip na sa ginbayaan sini nga Department of Education.
Sa ekslusibo nga interview sang Bombo Radyo Koronadal kay Vice President Sara Duterte, ginpahayag sini nga madugay na suno pa niya nakita ang angulo sang korapsyon sa nagkalain-lain nga departamento sang gobyerno sa Pilipinas apang kulukasubong nga madugay ang nangin aksiyon ni President Ferdinand Marcos Jr. diri bangud pa sini nga malubog sa baha kag mag-antos ang mga Pilipino.
Suno kay VP Inday, wala sang konkreto nga solusyon sa problema sang pagbaha kun indi matapna ang lapnagon nga korapsyon.
Sa pagkamatuod, ginkastigo man sini ang pagkreer sang isa ka independent commission nga isa lamang suno pa ka palusot agud maglain ang panan-awan sang katawhan kag indi pag-iduot ang presidente nga amo ang numero uno nga may kapaltahan.
Dugang pa dini, ang pagchop-chop sang budget kag paghimo sang proyekto nga wala natuman ang dako nga bahin sa insertions nga ginhimo sang anay House Speaker nga si Martin Romualdez kag ni AKO BICOL Partylist Zaldy Co.
Ginpaguwa ini nga pahayag sang Bise presidente sa pagtambong sini sa Talakudong Festival kag ika-25 nga Founding anniversary sang siyudad sang Tacurong.
