Ginapabaskog sang House prosecution ang ila ebidensya batok kay Vice President Sara Duterte, ilabi na sa alegasyon sang iregularidad sa paggamit sang ginatos ka milyon nga confidential funds.
Suno kay Tingog Party-list Rep. Jude Acidre, ginakabig niya nga nagguwa na ang importante nga mga ebidensya kag testimonya nga nagasuporta sa posisyon sang prosekusyon sa nagapadayon nga impeachment trial.
Lakip sa ginpresentar ang mga dokumento kag rekord nga may kaangtanan sa pag-release kag pag-encash sang ₱500 milyon nga confidential funds sang Office of the Vice President.
Dugang pa ni Rep. Acidre nga mabaskog ang mga testimonya nga halin sa mga testigo nga nag-angot kay Duterte sa instruksyon para sa pag-release sang isa ka ₱125 milyon nga bahin sang confidential funds.
Para sa prosecution, importante ini nga mga dokumento kag testimonya agud maipakita kon may iregularidad sa paggamit sang pondo kag kun paano ini may kaangtanan sa mga alegasyon sa impeachment complaint.
