Maga-umpisa na subong nga adlaw, Sabado, Hulyo 4, 2026, ang “lie in state” ukon pampubliko nga paghatag sang katapusan nga pagpasidungog sa anay Supreme Leader sang Iran nga si Ayatollah Ali Khamenei sa Grand Mosalla Mosque sa Tehran.
Madumduman nga napatay si Khamenei sang Pebrero 28, 2026 sa isa ka airstrike nga ginpatigayon sang Estados Unidos kag Israel.
Nadelatar ang iya lubong sang apat ka bulan bangud sang nagluntad nga inaway kag isyu sa seguridad, apang masugdan na ang pito ka adlaw nga funeral procession bangud sa nagapadayon nga ceasefire.
Sa Sabado kag Domingo, ipahamtang ang iya labi sa Grand Mosalla Mosque agud makahatag sang katapusan nga pagpasidungog ang publiko.
Sunod nga himuon ang funeral procession sa Tehran antes dal-on ang iya kabaong sa Qom, Iraq, kag sa ulihi ilubong sa Imam Reza Shrine sa Mashhad sa Hulyo 9.
Ginalauman sang mga opisyal sang Iran nga 15 tubtob 20 milyones ka tawo ang magatambong sa mga aktibidad, gani nagdeklara sang public holidays kag nagpatuman sang dugang nga seguridad sa mga lugar nga agyan sang kabaong.
