Ginadumilian sang Simbahan ang ginatawag nga All Hallows Eve ukon pagselebrar sang Holloween sa diin ginapatigayon bag-o ang All Saints Day.
Sa interview sang Bomno Radyo Koronadal kay Rev. Fr. John Angelo Gamino, DCC Notre Dame Archdiocesan Seminary . Ginpahayag sini nga ginadumilian sang Simbahang Katolika ang pagpatigayon sang Halloween parties, labi na kun nagalakip ini sang pagsuksok sang makahaladlok nga costumes.
Dugang pa niya, mas maayo kun ang isuksok sa All Hallows Eve amo ang mga kasubong sang mga Santo, agud ma-commemorate ang ila pagkabanal kag pag-alagad sa Ginoo.
Nagpanawagan man si Fr. Gamino sa publiko nga sa subong nga All Hallows Eve, mag-ampo sa mga Santo para sa ila nga giya kag bulig samtang nagapadayon kita sa aton pangabuhi sa kalibutan.
