Ginpasidunggan sang Federation of Filipino Chinese Chambers of Commerce and Industry, Inc. (FFCCCII) ang Philippine National Police (PNP) sa pagdakop sang pila ka mga indibidwal nga nalakip sa pagdukot kag pagpatay sa negosyanteng si Anson Tan kag sa iya driver nga si Armanie Pabillo.
Ginpahayag ni FFCCCII President Victor Lim nga daku gid ang kahalagahan sang kooperasyon nila sa PNP agud malikawan nga matabu liwat ang amo nga insidente.
Nagalaum man sila nga madakpan pa sang PNP ang iban pa nga mga tawo nga may kahilabtanan sa pagpatay sang amo nga negosyante.
Nangayo man siya sa Department of Justice nga matagaan gilayon sang hustisya ang mga biktima paagi sa pagsaka sang kaso batuk sa mga nadakpan nga suspetsado.
Ginpahayag man sini nga ang pagkabutang sang malinong kag hilway nga lugar amo ang makapasangkad kag maka engganyo pa sang mas madamo nga mga investors sa pungsod.
