Nagpanubo sa US$443 milyon ang net inflows sang foreign direct investments (FDI) sa Pilipinas sang Enero 2026, mas manubo kumpara sa kasubong nga tion sang nagligad nga tuig, suno sa Bangko Sentral ng Pilipinas (BSP).
Ginapatihan nga ini nga pagnubo bangud sang naglala nga geopolitical risks sa bug-os nga kalibutan, nga nagresulta sa pagduhaduha kag paghinay sang desisyon sang mga dayuhan nga nagapamuhunan sa pagsulod sang ila puhunan sa pungsod.
Bisan pa sini nga kabug-atan, may pila gihapon ka mga pungsod nga nagpadayon sang ila kumpiyansa sa ekonomiya sang Pilipinas.
Nanguna gihapon ang Japan bilang pinakamadako nga ginhalinan sang mga pamuhunan, samtang may ara man sang mga equity capital nga naghalin sa Estados Unidos kag South Korea.
Base sa datos, ang kadam-an sang mga pondo ginpahamtang sa sektor sang manufacturing, nga ginakabig nga isa sa mga pinakaimportante nga pundayon sang pagtubo sang ekonomiya.
