KORONADAL CITY-Mangin dako nga bulig sa mga jeepney drivers ang fuel subsidy nga igahatag sang gobyerno national pinaagi sa Pantawid Pasada cards agud nga mahagan-hagan ang kabug-aton sang pagsaka sang presyo sang gatong sa Pilipinas.
Ini ang nagin pahayag ni Manong Ronnie , isa ka Jeepney Driver sa interview sang Bombo Radyo Koronadal.
Suno sa iya dako na nga bulig ang ini nga subisidiya sa ila nga mga jeepney drivers agud nga may maipuli man sila sa ila nga pamilya nga ginansya sa ila isa ka adlaw nga biyahe.
Nahibaluan ang una na nga ginpahayag sang Department of Transportation (DOTr) nga maga abot sa 136,000 jeepney drivers ang makabaton sang fuel subsidy nga nag-umpisa na kahapon sang aga agud nga malampuwasan ang pagasaka sang presyo sang gatong .Naga panawagan naman si Manong Ronnie sa mga oil companies nga kun mahimo panub-an na ang preso sang krudo kag gasolina agud nga mangin tayuyun man ang ila nga pagpamasada.
