Opisyal na nga nagasugod sa bag-o nga chapter sang ila relasyon ang aktres nga si Michelle Vito kag aktor nga si Enzo Pineda matapos ginpaambit sang duha ang ila engagement sa social media.
Malipayon nga ginpahibalo ni Michelle ang matahum nga balita matapos mag-propose sa iya si Enzo, nga dugay na niya nga nobyo.
Paagi sa iya social media account, ginpaambit sang aktres ang espesyal nga hitabo kag gin-updan ini sang caption nga, “And so, our forever begins.”
Paagi sa sini nga mensahe, ginpabutyag ni Michelle ang iya kalipay kag excitement sa bag-o nga yugto sang ila relasyon, subong nga handa na sila nga magpadulong sa pag-asawahay.
Suno sa aktres, natabo ang proposal sang Oktubre 28. Gilayon naman nga nagdagsa ang nagkalain-lain nga congratulatory messages halin sa ila mga abyan, kapwa artista kag mga fans nga nagpaabot sang ila maayong pangabati para sa magkasintahan.
Madumduman nga nagsugod ang relasyon nanday Michelle kag Enzo sang 2020. Halin sadto, nagpadayon ang ila pag-updanay kag pagpalangga sa isa kag isa.
Matapos ang pila ka tuig nga relasyon, nagdesisyon na sila nga himuon ang mas seryoso nga commitment kag magpadulong sa pagtukod sang ila kaugalingon nga pamilya.
Ang ila engagement nagatanda sang isa ka bag-o kag espesyal nga kapitulo sa ila gugma, samtang ginapaabot nila ang palaabuton bilang mag-asawa.
