Indi luyag si Senate President Francis “Chiz” Escudero nga pangunahan ni Senador Ronald “Bato” dela Rosa ang imbestigasyon nga may kaangtanan sa maduguon nga kampaniya batok sa iligal nga droga sang administrasyon ni anay President Rodrigo Duterte.
Ini kasunod sang nangin proposal ni Senate Deputy Minority Leader Risa Hontiveros nga ipatawag ang Senate Committee of the Whole sa tunga sang proposal nga imbestigaran ang kontrobersyal nga drug campaign.
Suno kay Escudero, mas maayo nga indi pagpangunahan nanday Bato kag Senador Bong Go ang imbestigasyon agud wala sang alegasyon nga ini ang personal, impartial, kag indi patas.
Madumduman nga ginpahayag ni Dela Rosa nga maga-lunsyar ini sang motu proprio investigation sa war on drugs kaupod ang anay presidente bilang isa sa ila nga resource person.
