Ginapahayg ni Senator Erwin Tulfo nga indi dapat madelatar ang pagsumiter sang mga importante nga hagna kag ang pagpadayon sang mga imbestigasyon sang Senado sa tunga sang impeachment trial ni Vice President Sara Duterte.
Suno kay Tulfo, bisan ginakilala sang mga senador ang ila katungdanan bilang senator-judge sa impeachment proceedings, indi dapat mapabay-an ang iban pa nga responsibilidad sang Senado, ilabi na ang mga layi nga may direkta nga epekto sa kabuhi sang mga Pilipino.
Ginpahayag sang senador nga dapat mapadayon sang Senado ang duha ka papel sini amo ang bilang impeachment court kag bilang lehislatura.
Lakip sa iya ginatutukan nga mga hagna amo ang Assistance to Individuals in Crisis Situations (AICS) Act, mga amyenda sa Oil Deregulation Law, pag-establisar sang Philippine Petroleum Reserve, kag pag-usisa liwat sang Juvenile Justice and Welfare Act.
Nagapanawagan man siya nga ipagpadayon ang mga imbestigasyon sang Senado, lakip na ang hearing sa mga isyu sang ginaalegar nga anomalya sa flood control projects kag ang pagputol sang mga kahoy kag earth-balling sa Palawan.
Gindugang ni Tulfo nga importante ang accountability sa mga opisyal paagi sa impeachment trial, apang may pareho man nga katungod ang publiko nga maglaum nga padayon ang legislative work para sa mga balaod nga makabulig sa ila adlaw-adlaw nga kabuhi.
