Engkwentro sang mga protesters kag mga kapulisan sa Nairobi, 6 ka tawo patay

Anom ka mga tawo ang napatay matapos nga magka-engkwentro sang mga protesters kag mga kapulisan sa Nairobi, Kenya.

Nagpatigayon sang protesta ang mga pumuluyo sa pagkontra sa plano nga pagpasaka sang buwis.

Ginpilit sang mga protestante nga makapalapit sa balay sang parliyamento pero gin-punggan sila sang mga pulis.

Gin sunog man sang mga protesters ang City Hall sang Nairobi samtang 40 ka mga tawo ang napilasan nga gindala sa balay bulugan.Dugang pa sini, may mga protesta nga nagakatabo sa iban nga parte sang Kenya.

Nagdepensa naman ang gobierno nga importante ang pagpasaka sang buwis para mabuhinan ang ila nga utang.

Base sa proposal, may 16% porsiyento nga buwis ang ipahamtang sa tinapay kag 25 %porsiyento nga buwis sa cooking oil.