Napreso na sa karon ang duha ka wanted persons nga may patong sa ulo matapos nga maaresto sang mga otoridad sa ginpatigayon nga operasyon sa Sitio Putaw, Brgy. Lagunde, Pikit SGA BARMM.
Ginkilala ni Police Lieutenant Colonel Romeo Calamba, officer-in-charge sang Pikit Municipal Police Station ang mga nadakpan nga suspek nga sanday alyas “Sal”, 73 anyos, may-asawa kag alyas “Mad”, 35 anyos, nga lunsay mga residente sang nasambit nga lugar.
Suno kay PLtCol. Calamba, nangin madinalag-on ang pagkaaresto sa mga suspek bangud sa gintingob nga pwersa sang Pikit MPS Tracker Team, 1203rd RMFB , 3rd Cotabato PMFC, RID 12- Team Echo, RIU 12, RSOG 12, 45SAC-4SAB PNP SAF, RIAT/CTU- RID PRO BAR, 1405th RMFC- RMFB14-A PRO BAR kag PIU CPPO.
Naaresto ang mga ini base sa warrant of arrest kun diin wala sang may ginrekomendar nga pyansa.
Ang mga suspek ang magapangatubang sa paglapas sa R.A 9516 ukon Unlawful Possession of Explosives.
