Ginkumpirma ni NBI Director Jaime Santigao nga nagpasaka na sila sang reklamo sa Department of Justice batok sa isa ka Chinese kag duha ka Pilipino bangod sa pagkaimbolbar sa pagin isa ka espiya sa pungsod.
Ginkilala sang NBI ang diha ka suspect nga sila Yuanqing Deng kag Pilipino nga sila Ronel Jojo Balundo Besa kag Jayson Amado Fernandez.
Sa isa ka press conference kahapon nga adlaw ginpahayag ni NBI Cybercrime Division chief Jeremy Lotoc nga nagin madinalag-on ang pag-pagdakop sa bulig samg katapo sang Armed Forces of the Philippines.
Suno kay Lotoc, ang Chinese national nga ila nagdakpan ang graduate sa unibersidad nga ginpatindog sang People’s Liberation Army.
Ang People’s Liberation Army ang military sang Chinese Communist Party kag People’s Republic of China.
Eksperto ang nasambit nga chinese spy sa control engineering samtang gin-aresto ini sa sulod sang salakyan nga ginamaeho sang duha ka Pinoy
Base sa impormasyon sang NBI, masobra lima ka tuig nagtinir sa pungsod ang nasambit nga Chinese Spy kag ini ang sleeper agent sang China.
Suno naman kay AFP chief-of-Staff Gen. Romeo Brawner, Jr., ginpakadtuan na sang grupo sini ang mga lugar kung sa diin nakatindog ang Enhanced Defense Cooperation Agreement (EDCA) sites.
