KORONADAL CITY – Maswerte nga wala sang pilas ang driver kag duha ka pahinante sang isa ka Isuzu wingvan nga nadisgrasya alas-12:15 kaina sang kaagahon sa Gensan Drive, Arellano Traffic Lights diri sa siyudad sang Koronadal.
Sa interview sang Bombo Radyo Koronadal kay Joven Tillo, driver sang wingvan, halin sila sa Cagayan de Oro city kag magapadulong kuntani sa General Santos City agud mag-deliver sang junk foods.
Apang, pag-abot diri sa siyudad sang Koronadal samtang gina-usoy nila ang Gensan Drive naglupok ang nawala nga royda sa atubangan sang iya ginamaneho nga wingvan rason nga nadulaan ini sang kontrol kag nabungguan ang concrete barrier.
Ginpanginwala man sini nga nakainom ukon natulugan siya.
Luwas man ang duha ka mga helper nga kaupod sini sa wingvan.
Sa karon, ginapakuha sila sang clearance sang Cty Traffic sa City Engineering office antes nga pahanugutan nga ma-release ang salakyan.
Nagpahanumdom man ini sa mga kasubong niya nga driver nga maghalong gid sa pagmaneho agud makalikaw sa disgrasya.
