Ginpabaskog pa sang Department of Justice-Office of Cybercrime (DOJ-OOC) ang partnership sa social media platform nga TikTok agud mapabakod ang kooperasyon sa cybercrime investigations kag online safety.
Sa statement, ginpabutyag sang DOJ-OOC nga nag-meeting sila kay TikTok Legal Policy Operations Officer Yusuke Mori agud madiskusyonan ang legal kag operational processes nga ginapatuman sa ginahingyu sang law enforcement may kaangtanan sa platform.
Nagkasugot ang DOJ kag TikTok nga palaparon ang pagbuligay paagi sa pagkampanya sa digital safety, pagprotekta sa impormasyon sang publiko, kag mga inisyatibo batok sa cybercrime kag iban pa nga online threats.
Suno sa DOJ-OOC, ang mas mabakod nga kooperasyon sa mga digital platform importante agud maprotektahan ang mga internet user, mapreserbar ang electronic evidence, kag mapabakod ang koordinasyon sa imbestigasyon sang cybercrime samtang nagasunod sa rule of law.
