Nagakabalaka ang Department of Health (DOH) nga magdamo ang mga breeding areas sang lamok nga nagadala sang dengue virus kasunod sang anom nga asod-asod nga tropical cyclone nga nag-igo sa Pilipinas.
Sa isa nga advisory, ginpahinomduman sang DOH ang publiko na tanggalon ang stagnant water kag magkunsulta sang aga kun makabatyag sang mga sintomas sang dengue, partikular sa mga rehiyon nga apektado sang tropical cyclone nga Kristine, Leon, Marce, Nika, Ofel, kag Pepito.
Yara na sa 17,033 nga kaso ang natala halin sang Oktubre 20 tubtob Nobyembre 2, 2024, nga mas manubo sang 17% kumpara sa 20,498 nga kaso halin sang Oktubre 6 tubtob 19, 2024.
Dugang pa sini, wala sang may na report sang pagsaka sang bag-o nga kaso ang dengue sa mga nasambit nga rehiyon sa tinalikdan nga anom ka semana.
Suno sa ahensya, ginalantaw man ang mga datos angot sa epekto sang bagyo nga wala pa natala.
Apang, ginpahayag sang DOH nga ang pinakadali nga pamaagi agud malikawan ang dengue amo ang paglikaw sa kagat sang lamok labi sa adlaw.
