Department of Agriculture, ginhingyo ang pagpalawig sang price cap sa imported nga bugas pagkatapos sang Hunyo 30

Ginaduso sang Department of Agriculture (DA) nga palawigon ang P50 kada kilo nga price cap sa imported rice pagkatapos sang Hunyo 30.

Ginrekomendar sang DA ang pagpalawig sang effectivity sang price cap apang wala pa nakapagwa sang resolution ang National Price Coordinating Council, suno kay Communications Undersecretary Claire Castro.

Samtang nagahulat sa desisyon sang NPCC, padayon ang pagbantay sang DA sa mga retailers nga nagalapas sang ila una nga price cap sa imported rice.

Nagpatuman sang price cap ang gobyerno sa imported rice sang Mayo agud mahagan-hagan ang rice inflation matapos nagsaka sang 13.7 percent ang presyo sini sang Abril kun ipa-anggid sa amo man nga bulan sang 2025.