“Fake News” ukon wala sang kamatuoran ang mga balita nga nag-istoryahan ukon nag-meeting sanday President Ferdinand Marcos Jr. kag Vice President Sara Duterte, suno sa depensa nga spokesperson nga si Atty. Michael Poa.
Suno kay Atty. Poa, “Peke nga balita” ang mga nagalapta nga balita nahanungod sa ginaalegar nga pag-istoryahan ukon pag-meeting sang duha ka opisyal.
Nauna na nga naglapta ang mga alegasyon nga luyag ni VP Sara nga magpa-schedule sang pagpakigkita kay Presidente Marcos samtang ginatalakay ang ginaalegar nga paggamit sing sala sang confidential funds sang Office of the Vice President (OVP).
Nauna man nga nagpahayag si Malacañang Press Officer Claire Castro nga indi niya makumpirma ang gina-report nga pag-meeting sang duha ka mataas nga opisyal sang gobyerno bangud wala siya sang personal nga ihibalo nahanungod sini.
