Nagatubang bilang ikaapat nga testigo sang defense panel si Atty. Suzette Balucanag-Punay sa ika-42 nga adlaw sang impeachment trial batok kay Vice President Sara Duterte, subong nga Miyerkules, Nobyembre 11.
Nagaserbi si Atty. Punay bilang corporate counsel sang GenCorp Industries, Inc. kag Metro City Chow Foods Corp. kag gintawag sang depensa agud pamatud-an nga indi stockholder, opisyal ukon direktor sang duha ka kompanya ang Bise Presidente.
Nahibaluan nga na-postpone ang iya orihinal nga pagtestigo sang Lunes, Nobyembre 9, bangud may nauna ini nga naka-schedule nga MRI procedure.
Pormal nga ginbuksan ang hearing sa pagpanguna ni Senator-Judge Pia Cayetano, nga naghatag sang pambukas nga pangamuyo antes gin-deklara ang quorum matapos makatambong ang 13 ka senador-hukom.
Antes sa iya, may pila na ka testigo sang depensa ang nag-atubang sa witness stand sa nagligad nga mga adlaw.
Apang, ginsaway sang pila ka senator-judges ang mga nauna nga testigo bangud sa ila ginakabig nga paglikaw sa paghatag sang direkta nga sabat sa importante nga mga pamangkot nga may kaangtanan sa kaso.
