Nagrekord lamang sang 2.1 porsyento nga pagtubo ang ekonomiya sang Pilipinas sa ikatlo nga quarter sang 2026, suno sa Philippine Statistics Authority (PSA).
Mas manubo ini kun ipaanggid sa 2.4 porsyento sang nagligad nga quarter kag 4 porsyento sa kapareho nga tion sang 2025.
Ini na ang ika-lima nga asod-asod nga quarter nga nagahinay ang economic growth sang pungsod.
Ginpahayag nga nakaapekto sa ekonomiya ang maluya nga household spending kag investment, mataas nga presyo sang mga balaklon, kalamidad kag pagnubo sang infrastructure spending.
Suno kay Socioeconomic Planning Secretary Arsenio Balisacan, kinahanglan pa nga magtubo sang 6.3 porsyento ang ekonomiya sa ikaapat nga quarter agud malab-ot ang pinakamanubo nga target sang gobyerno nga 3.5 porsyento tubtob 4.5 porsyento para sa 2026.
Samtang, nagsaka sa 66.9 porsyento ang debt-to-GDP ratio sang pungsod, ang pinakamataas sa sulod sang 22 ka tuig.
Nagrekord man sang bag-o nga pinakamataas nga ₱19.66 trilyon ang outstanding debt sang national government sa katapusan sang Septyembre.
Ginapaandaman sang mga eksperto nga mahimo pa nga magdugang ang kabudlayan sa pinansyal nga kahimtangan sang pungsod kun magapabilin nga maluya ang economic growth kag mataas ang utang sang gobyerno.
