Wala ginhatag sa pinaka una nga corgi police dog sa China ang year-end bonus sini tungod sa iya nga pagka “bad dog”, bangod nga pirme nalang ini tulog sa trabaho kag mabangon lang kun mangihi sa iya pa gid nga pinggan.
Ginkilala ang amo nga police dog nga si Fu Zai nga una nga nagsikat sa social media bangod sa iya sini inosente nga mga mata kag mga nubo nga tiil.
Gin training si Zai sang Enero 2024 sa reserve explosives-detection operative kag dayon man nga nakapasa sa level 4 assessment kag mga security tasks kag gin hatagan ini sang mga halampangan kag nagkalain-lain nga snacks. Apang nautod ang pangalipay sang ido sang ginkuha sang police officer ang iya sini nga mga halampangan kag pagkaon nga iya kun tani bonus bangud napamatud-an ang iya sini nga pagtulog sa iya nga duty hours.
Samtang nagpaathag naman ang mga netizens nga kun tani ibalik ukon padal-an nila sang sinako nga mga halampangan kag pagkaon si Zai kun indi ibalik sang mga opisyal ang mga bonus sini.
