Nagsulod sa territorial waters sang Japan ang Chinese navy survey ship sa southwestern islands, suno sa Japanese Defense Ministry, halos isa ka semana matapos mabaskog nga ginprotestahan sang Tokyo ang airspace breach sang Chinese military aircraft.
Liwat nga nagprotesta ang Japan sa China kag nagpabutyag sang mabaskog nga kahangawa sa pinakauihi nga pag-cross sini pinaagi sa diplomatic channels, suno sa ministry. Ini ang nagmarka sang ika-10 nga pagsulod sang isa ka Chinese survey ship sa kadagatan sang Japan sa Kagoshima Prefecture humalin sang Nobyembre 2021.
Ang barko ang nakit-an nga nagsulod sa territorial waters sa west sang Kuchinoerabu Island kag nagbiya sa kadagatan sang Yakushima Island. Nagpadala sang minesweeper kag patrol aircraft ang Maritime Self-Defense Force agud nga mag-monitor sang Chinese vessel.
Ang mga survey vessel ang masami nga nagapatigayon sang pagtuon sa underwater topography para sa submarine navigation.
