Posible nga mag-atubang naman sang dako nga pagsaka sa presyo sang produktong petrolyo ang mga motorista umpisa subong nga adlaw, Hulyo 21.
Base sa hulag sang pangkalibutanon nga merkado sang krudo, ginapaabot nga magsaka ang presyo sang diesel sang P10 tubtob P11 kada litro, gatong sang P3 tubtob P4 kada litro, kag kerosene sang P11 tubtob P12 kada litro.
Gin-angot ang ginalauman nga oil price hike sa nagapadayon nga tensyon sa tunga sang Estados Unidos kag Iran.
Bangud sini, madamo nga motorista ang nagpadamo anay sang pakarga sa mga gasolinahan antes ipatuman ang posible nga pagsaka sa presyo.
Samtang, indi lang mga motorista ang maapektuhan sang pagsaka sang presyo sang gatong lakip ang sektor sang transportasyon, lakip na ang pagbiyahe sang mga utanon padulong sa mga merkado, nga posible magresulta sa pagsaka man sang presyo sang baligya.
Sa pihak sini, ginpahayag sang Department of Trade and Industry (DTI) nga wala pa sang ginapaabot nga gilayon nga pagsaka sa presyo sang mga batakang balaklon bangud wala pa sang manufacturers nga nagsumiter sang request para sa price adjustment.
Samtang, ginapaabot nga gin-anunsyar sang Department of Energy (DOE) sa masunod nga mga adlaw ang opisyal nga fuel price adjustment.
