-- ADVERTISEMENT --
Natingala kag nakibot ang tag-iya sang isa ka balaligyaan sang bagel sa North Carolina matapos makasulod ang isa ka tatlo ka gamay nga buaya ukon alligator sa ila establisimento paagi sa bukas nga likod nga ganhaan.
Sa footage sang CCTV sang Bagel Dock Express sa Southport, makita ang lamharon nga buaya nga nagasulod sa kusina kag nagapadayon pakadto sa atubang nga bahin sang balaligyaan.
Nakasugata pa mismo sang tag-iya nga si Jesse Driscoll ang buaya ukon alligator malapit sa counter kag gilayon nga nagtawag sa 911 bangud sa kakibot.
Suno kay Driscoll, wala pa nagabukas ang ila balaligyaan sang natabo ang insidente.
Gilayon naman nga ginkuha sang Southport Police kag Animal Protective Services ang buaya sa lugar.
