-- ADVERTISEMENT --
KORONADAL CITY – Nagapadayon ang pagpangita sa isa ka tuig nga bata nga nahulog suno pa sa lining sa Purok Saranay, Barangay Namnama, Koronadal City pasado alas-4 kaina sang hapon.
Sandig sa impormasyon wala natalupangdan sang iloy sini nga nadula ang bata bangud may ginahimo suno pa.
Pagkaligad sang pila ka minutos, may nagreport na nga may nakit-an nga bata nga nahulog sa lining gani nangayo sang bulig ang mga ini agud mapangita sa lining.
Nagbulig na ang mga katapu sang Bureau of Fire Protection, mga opisyal kag pamilya sini sa pagpangita sa bata.
Sa karon, nagalaum ang pamilya nga makita pa ang bata kag maluwas ang kabuhi sini.
