Naglandfall na ang Tropical Depression “Basyang” sa kadutaan sang Bohol partikularmente sa banwa sang Bilar.
Suno sa state weather bureaudala sang bagyo ang kusog nga hangin nga nagalab-ot sa 55 km/h malapit sa sentro kag bugso nga tubtob 75 km/h, samtang nagahulag ini west-northwest kay may kadasigon nga 20 km/h.
Bangud sini, nakataas ang Tropical Cyclone Wind Signal (TCWS) No. 1 sa pila ka bahin sang Luzon, Visayas, kag Mindanao.
Sa Luzon, kabilang ang Occidental kag Oriental Mindoro, Romblon, Palawan, Cuyo Islands, Cagayancillo Islands, Calamian Islands, kag pila ka banwa sa Masbate.
Sa Visayas, nakataas ang warning sa Eastern Samar, Samar, Guimaras, Iloilo, Capiz, Antique, Aklan, Biliran, Bohol, Cebu, Negros Occidental, Negros Oriental, Leyte, Southern Leyte, kag Siquijor.
Samtang sa Mindanao, apektado ang Dinagat Islands, Surigao del Norte, Agusan del Norte, Misamis Oriental, Misamis Occidental, Camiguin, kag pila ka banwa sa Zamboanga del Norte.
Nagpaalinton man ang mga otoridad sa publiko nga maghalong sa posible nga pagbaha kag landslide bangud sa mabaskog nga hangin kag ulan nga dala sang bagyong Basyang.
