KORONADAL CITY – Nakreer na ang artist sketch sang suspek sa pagpangluthang nga nagluntad sa bahin sang Purok Garcia, Barangay Rotonda nga ginkapatay sang isa ka persona kag ginkapilas sang isa pa ka kaupdanan sini sa sulod sang stall sang Home Owners Association sang October 19, 2021.
Ini ang ginpahayag ni PLt/Col Jeodylito Guisinga , OIC-COP sang Koronadal CPS sa interview sang Bombo Radyo Koronadal.Suno sa hepe, bangud sa wala sang CCTV sa lugar kag sa establishimento nga nakakabit, gin kreer ang sketch sang mga otoridad sandig sa mga ginapanglaragway sang mga eye witnesses kay may inisyal na nga progress ang sketch agod makabulig sa pagtumod sa suspek.
Dugang pa sini, ginalantaw man sa subong sang mga kapulisan ang log-book sang stall sang mga biktima bangud may mga pangalan nga napagkit didto antes pa ang insidente kag posible man nga isa sa mga pangalan didto , ang pangalan sang suspek.
Samtang gindul-ong na sa iya nga ulihi nga palahuwayan ang napatay nga biktima sang pagpangluthang nga si Jesusa Lorenzo kagina, ginhiwat ang mesa sa Brgy.San Jose kag ginlubong naman ini sa isa ka pribado nga lulubngan sa banwa sang Tantangan, South Cotabato.
