Natalana nga ipatigayon sang Sandiganbayan ang ‘arraignment’ kag ‘pre-trial’ sa kaso nga ginaatubang ni Sen. Jinggoy Estrada subong nga adlaw sang Martes, Hunyo 2.
Sandig sa impormasyon, ginpatigayon sang 1:30 sang hapon sang Sandiganbayan 2nd Division ang arraignment kag pre-trial sa kaso.
Pagaatubangon ni Sen. Estrada ang kaso nga paglapas sa Section 3(e) sang Republic Act 3019 ukon ang Anti-Graft and Corrupt Practices Act.
Luwas sa senador, maagtubang man sa korte ang anay secretary sang Department of Public Works and Highways nga si Manuel Bonoan.
Sa ginpatigayon nga arraignment kag pre-trial, posible nga matalakay ang may kaangtanan sa mga mosyon nga ginpasang-at ni Sen. Jinggoy Estrada sa korte.
Madumduman nga nagpasang-at ini kahapon sang Motion to Reset Hearing kag Urgent Omnibus Motion Ad Cautelam agud hingyuon nga idismiss ang kaso ukon ‘to quash the information, ma-dismiss ang kaso ukon suspendiron anay ang hearing kag imando ang sa liwat nga pagbukas sang imbestigasyon.
Luwas sa kaso nnga graft, nagapangatubang man si Estrada sang kaso nga plunder nga ginpasang-at sang Office of the Ombudsman kasunod sa imbestigasyon sang malapnagon nga korapsyon sa mga flood control projects anomalies.
