Nakumpiskar sa puluy-an sang 54 anyos nga lalaki ang pila ka mga bala sang armas-luthang sa ginpatigayon nga search warrant operation sang mga awtoridad sa Sitio Cogonal, Barangay Topland, Koronadal City, South Cotabato.
Ginkilala ni PLtCol Hoover T Antonio, Hepe sang Koronadal City Police Station, ang suspek nga si Raymundo Dullano, isa ka mangunguma kag residente sang amo nga lugar.
Narekober sa balay sang suspek ang isa ka buhi nga bala sang shotgun, three (3) pcs. sang buhi nga bala sang caliber 38, kag isa ka bala sang caliber 45.
Padayon ang pag paalinton sa karon sang Koronadal City Pnp angot sa mga loose firearms kag nagapanawagan sa iban nga tag-iya sang pusil nga wala sang angay nga dokumento nga isurrender ang mga ini agod malikawan nga mapasakaan sang kaso.
